نكت جاااااامدة أووووى أووووى أوووووووي

من طرف 3amooor11 الجمعة مايو 30, 2008 6:41 pm

زوجة صحيت من النوم في نص الليل، مالقيتش جوزها في الأوضة

خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط

بتقول له مالك يا حبيبي فيه ايه ؟

قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
قالت له طبعا فاكرة ودي حاجة تتنسي ؟

قا لها وهو بيعيط أهو لو كنت اتسجنت، كان زماني اخدت افراج النهاردة

نكت جاااااامدة أووووى أووووى أوووووووي Awe

نكت جاااااامدة أووووى أووووى أوووووووي Awe

--------------------------

بيقولك مرة فار ماشى مع خطيبته فى الغابة وفجاة لاقى الاسد

فحب يعمل راجل قدام خطيبته فراح للاسد قاله: انت يا حيوان

الاسد رد قاله: انت بتشتمنى انا ؟؟

رد الفار وقاله: ايوة بقلك انت
و مشى الفار وراح وصل خطيبته لبيتها

وهو راجع قابله الاسد قالوا : انت كنت بتشتمنى انا يا فار؟؟

قالوا: لا والله دا انت ملك الغابة هو حد يقدر يشتمك؟؟

أنا بس كنت بعمل شويتين كدا قدام البت .. انا اسف وهات راسك ابوسها

طلع الفار على راسوا عشان يبوسها فلقى خطيبتوا معديه

فقال للاسد: ادوس على دماغ امك دلوقتى؟؟؟

نكت جاااااامدة أووووى أووووى أوووووووي Awe

--------------------------

فصل كله حولان بعيد عنكم

و كل واحد بيكتب في كشكول اللي جنبه

المدرسة قالتلهم اللي هايكتب في كشكوله هاديه شكولاتاية

واحد كتب في كشكوله فرحت بيه واديته الشكولاته قام حطها في بؤ اللي جنبه

نكت جاااااامدة أووووى أووووى أوووووووي Awe

--------------------------

واحدة زعلانة قوي من جوزها علشان شباك الحمام مكسور ومش راضي يصلحه

فبتقوله: يرضيك حد يشوفني وانا باستحمى؟؟

قالها ياستي اللي هايشوفك هايصلح الشباك بنفسه

نكت جاااااامدة أووووى أووووى أوووووووي Awe

--------------------------

في واحد قاعد في القطار سأل اللي جنبوا أنت بتشتغل إيه

قاله فناااان

قاله فنان يعني بتغني؟ قاله لأ

قاله بترسم؟ قاله لأ

قاله فنان إيه؟ قاله فناااااان .. بحط االعيش في الفنن

(( فن يا معنم نكت جاااااامدة أووووى أووووى أوووووووي Awe

))

--------------------------

مره واحد بيحلف بالطلاق كتير

ابوه ضربه وقاله هاتحلف بالطلاق تاني ؟

!! قال له: عليا الطلاق منا حالف بالطلاق تاني

نكت جاااااامدة أووووى أووووى أوووووووي Awe

--------------------------

بيقولك مره واحد بخيل

ابنه: بابا انا عايز 50 قرش

أبوه: انت عايز 40 قرش هاتعمل ايه بال 30 ممعاييش غير ريال تاخد بريزه

نكت جاااااامدة أووووى أووووى أوووووووي Awe

--------------------------

مرة واحدة كل ماتشوف جوزها تقولوة ياعم روح هات

هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا

المهم قالها انتى ايه ياشيخة انتى مافيش مرة تقولى خد ؟

قالتلوة طيب خد التلفزيون صلحه

نكت جاااااامدة أووووى أووووى أوووووووي Awe

--------------------------

ابو العربى فى حرب اكتوبر راكب فلوكه فى القنال وبيحكى ويقول

لقيت فوقى واد طيار اسرائيلى اول ما شفنى حدف عليا صاروخ قمت زقيته

راح حادف واحد تانى وطيت راسى راح جاى فى الفلوكه

وقعت فى المية واتشعلقت فى خشبة وقعدت اجدف بيدى

حدف عليا صاروخ تانى قمت غاطس فى القنال

برده لقيته نازل بالطيارة عليا وقرب منى خالص وحدفلى سيجارة مارلبورو وقال لي .. جدع يلاااا

نكت جاااااامدة أووووى أووووى أوووووووي Awe

--------------------------

مره اتنين داخلين محل جزم هو ومراته

فقال لصاحب المحل هتلها جزمه زحافي قالتله لا بكعب

قالها لا زحافي قالتله لا بكعب

فصاحب المحل زهق منهم قال للراجل ياعم هاتلها بكعب هو انت اللي بتلبس

قالوا ياعم انت مالك هو انت اللي بتضّرب

نكت جاااااامدة أووووى أووووى أوووووووي Awe

--------------------------

مرة واحد اشترى غسالة فول أوتوماتيك

مراته عزمت الجيران علشان يشوفوها حطت في الغسالة 20 كيلو غسيل

والغسالة يا عيني بتاخد بس 7 كيلو بس

وشغلتها والجيران باركولها وعزمتهم على كباية شاي

وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة

شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره

نكت جاااااامدة أووووى أووووى أوووووووي Awe

--------------------------

اتنين متجوزين كل ما يخرجوا فى حته مراته تقوله عايزة اروح جنينة الحيوان عند القرود

و كل يوم تروح عند الجبلاية و تفضل تأكل القرود

لغاية يوم الولادة دخلت تولد و لما الممرضة خرجت سألها الاب اية ولد ولاّ بينت؟

فقالت له الحقيقة يافندم ملحقناش نعرف .. اول ما المولود نزل نط من الشباك

نكت جاااااامدة أووووى أووووى أوووووووي Awe

من طرف abdo said الجمعة مايو 30, 2008 11:02 pm

شكرا ليك يا 3amooorعلى المشاركه الجامده دى وانا مبسوط جدا علشان انت اشتركت معانا

من طرف 3amooor11 السبت مايو 31, 2008 1:43 am

ربنا يخليك يا عبده Very Happy

.

و شكرا يا سيدى علي المجملة الحلوة ديه.
Laughing

من طرف **Administrator** السبت يونيو 07, 2008 3:58 am

من طرف أسامة الأربعاء يونيو 11, 2008 1:41 am

من طرف Ahmed Nawwar الإثنين يونيو 16, 2008 2:44 pm

جميل جدا ...
أدعوك للمشاركة في قسم FUNNY

من طرف MEDO الأربعاء يونيو 18, 2008 8:06 pm

الصراحة النكت تضحك موووووووووووووووووووووووووووووووت و أنا بحيك لانك بجد عرفت تضحكنا بس فى بعض النكت رخمة

king

من طرف ahmed saker الخميس يونيو 19, 2008 3:03 pm

شكرا يا عمور علي النكت الجامده جدا دي

من طرف رشدى الثلاثاء يونيو 24, 2008 5:57 am

طيب اسمع النكتة دى
مره واحد ماشى فى الشارع بيبص فى السماه وبيضحك
فواحد ماشى جنبه بيقلوا بضحك كده ليه
قاله علشان الصورة تتطلع حلوة

من طرف هاشم صفوت الخميس يونيو 26, 2008 12:17 am

حلوة يا عمورين

طب بيقولك مرة واحد ماشى فى الشارع فقاعد يخبط دماغة فواحد قابله بيقولة مالك يا حج عبدو قاله اييييييييييييييييييييييييييييييوة ..........عبدوووووووووووووووووووو